Et was koo wit de floo (go with the flow)
in oons eig’nste, in oons eig’nste (eigen),
et was koo wit de floo 
in oons eig’nste Almelo.

Buurvrouw Kloompjan har gen man (had geen ) want zee was zo schel as water (want ze was zo lelijk als de nacht).
Joa zo lillijk as mer kan, 
en toch zwanger alverdan (aldoor).

Hil De Riet dee preut (sprak) der van, 
hoo of 't toch kon met buurvrouw Kloompjan.
Krig (krijgt) ja keend (kind) noa keend noa keend, mer ja de melkboer was ja bleend.

Refrein

En ik wet nog op 't Veald (het Sluitersveld)
doar was Ginie, mooie Ginie.
En den leup 'n moal op stroat 
in nylonkousen met 'n noad.

En eer vaar (vader) den gung toch an, 
zee was nen viezen (een viezerik) en ne del,
mer hee perbeerden ze zölf een keer en doe (toen) heurden ie vaar nie meer.

Refrein

Van de Aa en de Loolee 
kump 't water, wat 'n water,
noar benee en löp zo 
töt an miln (midden) in Almelo.

En 't water van de Aa 
stun 'n moal töt an'n nös, (stond een keer tot aan je neus) 
en ja, ie könt wa water dreenken, 
mer da's jammer van’n dös (de dorst). 

Refrein

Dus doar deun (deden) ze rap wat an.
O joa, wat dan, wat dan, wat dan?
‘t water geet nog wa verdan ('t water stroomt nog wel door) 
mer wit de floo, heanig an (kalmpjes aan).

Want 't geet nog aait (altijd) wit de floo 
in oons eig'nste, in oons eig'nste,
‘t geet nog aait wit de floo 
in oons eig’nste Almelo. 

Refrein

En Herácles hef 't wier wunnen (En Herácles heeft weer gewonnen),
joa dat doot ze, joa dat doot ze (ja, dat doen ze).
En Herácles hef 't wier wunnen 
nog veur de wedstrijd is begunnen.

En verspölt (verliezen) ze 't es een keer… 
maakt niks oet ja, maakt niks oet. 
En verspölt ze 't es 'n keer, 
token moal (volgende keer) wint ze't wa weer.