Daor is allewijl op teevee niks te zien
Daor steit weer zoe’n möts in de keuke
Te koke mèt sterre, te knuddele mèt wien
Veurwat make zie noets ‘ns knien
 
Zèt de knien in de ezien.
Met lawweleer en groffelsnegel
Snij uuch ’n un
Mer neet te dun
En laot dat lekker marinere
Bring ’t gehiel zach aon de kook
Totdat ’t vleis vèlt vaan de knook
En ’t geheim steit in gei book
De maaks ’t aof mèt peperkook
  
Iech höb e leef vröwke, ’n blom um te zien
Meh zie  veult zich neet thoes in de keuke
Häör sop smaak naor rolmops, de pap naor ezien
Iech gaon naor de mam die heet knien
 
’t Gief vaan die lui die gei vleis kinne zien
En zeker al neet in de keuke
’n Kooi of ’n verreke ze vinde ’t neet fien
Daan liever e lekker stök knien