Wie ich hie binne kwoom en ich heurde 'm aome
Toen dag ich: "Gelökkig, hae is neet dood"
Ich höb 'm lekker werm óngergesjtopt
Want hae loog weer gans aope en bloot

Det menke sjleupt zo prachtig
Dan kins se de ganse waereld alles vergaeve
Lang laeve 't laeve!

Want hie sjtaon ich weer en 't is alweer laat
Hie sjtaon ich weer en ich bin ouch 'n bietje zaat
Maar óm gelökkig te zeen hoofs se
Soms weinig te doon
Want dao is nieks zo sjoon as te kieke nao miene
sjlaopende zoon

Mit 'n kindj waert ouch 'n angst gebaore
Ze zegke det die nooit meer euver geit
As se dao bie sjtil sjteis
Waers se bang, bang bie alles waat t'r duit

En op 't journaal is zoväöl elenj
Dan kins se de ganse daag waal meke
Maar vanaovend heurs se mich neet greke

Want hie sjtaon ich weer en 't is alweer laat
Hie sjtaon ich weer en ich bin ouch 'n bietje zaat
Maar óm gelökkig te zeen hoofs se
Soms weinig te doon
Want dao is nieks zo sjoon as te kieke nao miene
sjlaopende zoon

En mócht t'r emes zegke woróm zingt dae macho
neet euver 'n dochter
Nou mevrouw, dochters höb ich gein
Noe reimt dochter det reimt ouch neet op sjoon
Maar óm te kieke nao zo'n klein sjlaopend maedje liekt mich net zo fijn
As óm te kieke nao miene sjlaopende zoon