Dji k’nohe ine båcèle
Qu’on lome Bonie Moronie.
Èle n’a nin pus d’ cråhe
So l’ cwér qu’on macaroni.
Qwand èle bodje
Divins s’ blue-jean,
Dji sin potchî mi-adrénaline.
	
Rèspleû
Èll’èst d’a meune, dji so d’a lèye
Come li leune ac’sètche li marêye
Ou come li vint qui passe
Divins l’ mèlêye.
	
Bonie èt mi, on s’ va marier,
L’annêye qui vint, divant l’osté.
Dji va vèyî s’ mére, si pére èt s’ fré,
Po l’zî d’mander li dreût d’intrer.
	
On va fé ine grande
Èt cråsse eûrêye
So lès hôts d’ Sèrè ou a Ougrêye.
Mi fré, lu, f’rè l’ disse-jockey,
Èt vos polez èsse sûrs qu’on s’ kitap’rè.
	
Si çou qu’ dji v’ raconte
Advègne a Hèsta,
Ci sèrè sûr’mint li minme djama,
Såf qui dj’ mètrè Bill Haley
Po fé danser so Låyehê.