t Schierste stee van Grunnen, dat is t Laauwersmeer.
Zien waaide en de bozzen, de hoaven en ook t meer.
As wie t nog even aan tied hemmen, goan wie der groag noar tou.
Mor  monnen  nog eefkes kieken, want  waiten nog even nait hou. 

Ien t weekend goan wie voak even, veur lol noar Laauwersoog.
Din rieden we mit de auto, voak mit n grode boog.
Van Ollerom noar Nijkerk, bie Zoltkamp laans de diek.
Bie Vaaierhoezen polder deur, din vuilen wie ons zo riek. 

Joa t Schierste stee van Grunnen, dat is t Laauwersmeer.
Zien waaide en de bozzen, de hoaven en ook t meer.
As wie t nog even aan tied hemmen, goan wie der groag noar tou.
Mor  monnen  nog eefkes kieken, want  waiten nog even nait hou. 

Zo goan wie midden ien zummer, mit boat noar Laauwersoog.
En voaren wie mit ons bootje, weer mit n grode boog.
Deur onze mooie moaren, van Ainrom, Menskeweer. 
Laans Wij en Hoorn noar Lains tou, over Zoltkamp zo noar t meer. 

Joa t Schierste stee van Grunnen, dat is t Laauwersmeer. 

En goan wie deur de week even, op fiets noar t Laauwersmeer.
Volgen v.v.v. fietsroute, gain last van aal t verkeer.
En as wie om ons hen kieken, wait wie nait wat we zain.
Knienen, vozzen, vogels, zulfs n hert zee ons nog moi !!! 

Joa t Schierste stee van Grunnen, dat is t Laauwersmeer. 

En goan we op n snipperdagje , op peerd noar t Laauwersmeer.
Din droaven we mit ons peerd n deur t militair verkeer.
Zo vuilen wie ons net Cowboys, mit houd en schaitgeweer.
En is t net t Wilde Westen, bie ons ien t Laauwersmeer. 

Joa t Schierste stee van Grunnen, dat is t Laauwersmeer.
Zien waaide en de bozzen, de hoaven en ook t meer.
As wie t nog even aan tied hemmen, goan wie der groag noar tou.
Mor  monnen  nog eefkes kieken, want  waiten nog even nait hou.

(tekst Bert Schaap)