De Kommesoaris van de Kunnegin
Mag ook wel Grunnings proaten
Mor as e dat noa echt nait kin
Mag et van mie ook loaten
Pebaaier een curses Grunnings plat
T kost glad niks en t is makkelek zat
t Is een kwestie van geduld
As t ainmoal deur hest gaait t vanzulf 

Der gaait toch niks boven t Grunnings
Ofs t  proatst of as t zingst
Vergeet nooit joen aigen toal 

Ook de Import van boeten of
Kinnen t ook nait loaten
Zich te bemuien mit onze stof
Vertikken t Grunnings te proaten
Proaten hoog Hollands aans nait  
Dat dut ons Grunnegers veul verdrait
Deur aal dat overdreven gelul
Stait onze toal straks op nul 

Der gaait toch niks boven t Grunnings
Ofs t  proatst of as t zingst
Vergeet nooit joen aigen toal 

Ons kwoajonges monnen noa  ais waiten
Dat ook zai Grunnegers haiten
Hol toch op mit dat Hollands geknauw
Noa schoaltied kriegen ook joe berauw
Dat joe gain woord Grunnings proaten
Je monnen joe schoamen dat te loaten
Hol joen aigen toal  ien eer
Grunnings te praoten aals mor weer 

Der gaait toch niks boven t Grunnings
Ofs t  proatst of as t zingst
Vergeet nooit joen aigen toal 

(tekst Bert Schaap)