De noordewiend dij jagt om t hoes
De haile lucht asgraauw
Mor t schietweer dat holdt mie nait tegen
Ik kom noar die tou

Rregen vaalt mit bakken oet lucht
Wiend dij roast mor deur
Zulfs t weerlicht dat holdt mie nait tegen
Ik hol kop der veur

Op fiets van Oskerd noar Oethoezen
Mit kop op t stuur, rugge krom
k Wil zo geern bie die weden
Al is t mor even, din goa k weerom
Weg van Oskerd noar Oethoezen
Dij kin k rieden mit blinddouk veur
Al twij joar laank, vief doagen in week
Kom ik bie die aan deur

Dunderkoppen drieven vot
Zun brekt langsoam deur
En t is as k mooie dörp binnen rie
Ik dien laive stem din heur

k Wait as k dij zo veur het roam zai stoan
Ik ain ding heb leerd
t Schietweer dat holdt mie noeit tegen
Doe bist muite weerd 


Tekst en muziek: Age van der Velde