Boudel mishottjet en kult mie aal
k Wort dörms in kop en echt hailmoal maal
Tied schut nait op en t swait brekt mie oet
k Wol geern even poesten bie n plakje stoet

Refraain:
Eerst kovvie, n kop kovvie, kovvie mit n wolkje melk
Kovvie, eerst kovvie, n kop kovvie, joa dat bestel k
Din krieg ik weer kracht om aan t waark te goan
Mit n bakje troost zel lust nait vergoan
Kovvie, eerst kovvie, kovvie, eerst kovvie  

Ain toesternust is t op mien bero
n Palternaksie van rommel en zo
Tied schut nait op, vertikt t aal mor weer
k Wis swait van kop en kin aal nait meer

Doar komt Fleur al aan, n laag om heur lippen
n Waarklust het zai, doar kinst nait aan tippen
Zai zingt n monter vers en laagt mie tou
‘Krigst kovvie mit melk, vris van de kou’

Kovvie, kovvie, lekker kopke kovvie….