Haast U Moeder, haast u zere,
Kijk daar is den ooievaar,
Roep de vroedvrouw en de dokter,
Haast u moeder uw kind is daar.

En waar zit da kind z’n vader?
Op z’n verre weg planeet,
Alsjeblieft na negen maanden,
Is die wiege nog niet g’reed?

Haast u, haast u haast u zere,
War is da voor ne zotte klap,
Al direct van in uw wiege,
Haast u zere rap, rap, rap.

Kijk dat kind is al aan’t groeien,
’t Eet al grote mensen kost,
Van die papfles en die pampers,
Zijn we godzijdank verlost.

Zet da kind maar op ne schole,
Goed voor jarenlang plezier,
Met de meesters en d’aardengelen,
En zijn twee plus drie is vier.

Haast u, haast u, haast u zere,
Waar da ge eigenlijk niks van snapt,
Van de meesters en d’aardengelen,
Haast u zere rap, rap, rap.

Blokt u blauw op uw diploma,
Onontbeerlijk zeg dat wel,
En ne lief moe je ook nog vinden,
Zoek ze, zoek ze bliksemsnel.

Haast u, haast u, rap ne boterham,
Iedre ‘n ochtend hap, hap, hap,
Brengt miserie m’n gazette,
En m’ne koiffie rap, rap, rap.

Haast u, haast u, haast u zere,
t’ Is al aangebrande pap,
Al da nieuws in min gazette,
Haast u zere rap, rap, rap.

Kik ’t werk ligt al te wachten,
Onze baas kent geen geduld,
Alstublieft kom niet te late,
Of de bazinne briest en brult.

Maar hip, hip ’t is straks vakantie,
’t Vliegtuig is gereserveerd,
Rap, rap, zere naar de Costa,
Zon en zee gegarandeerd.

Haast u, haast u, haast u zere,
Dat is gene flauwe grap,
Met de vlieger naar de Costa,
Haast u zere rap, rap, rap.

Rap, rap, zere onder den douche,
Rap, rap, zere naar ’t toilet,
Rap, rap, zere nog een liedje,
Ook rap op muziek gezet.

Rap wat frieten en nen biefstuk,
Rap, rap, zere nen glas wijn,
Rap, rap, zere nen cappuccino,
Rap, rap, meer moet da nie zijn.

Haast u, haast u, haast u zere,
Dat is praat van nen dronkenlap,
Cappuccino me veel promille,
Haast u zere rap, rap, rap.

Rap nen borrel of een bierke,
Rap wat nieuws op den TV,
Rap wat in de luie zetel,
Uitgeteld op de canapé.

Met die pille om te slapen,
Kreeg ik de genadeslag,
Rap, rap, zere in m’n bedde,
Morgen word nen drukke dag.

Haast u, haast u, haast u zere,
Dat beloofd geen beterschap,
Van in uw wiege tot in uw kiste,
Haast u zere rap, rap, rap.

Morgen zeer en naar den dokter,
Naar de zenuwspecialist,
Op nog naar de psychiater,
Wie weet word ik nog trappist.

Van uw vaart lig ik hier terugge, (?)
Op m’n duizendste gemak,
’t Is maar just da’k liedjes zinge,
Da’k mie haaste rap, rap, rap.

Haast u, haast u, haast u zere,
Is da gene flauwe grap,
Van uw wieg tot in us kiste,
Haast u zere rap, rap, rap.