Des aves in de klêre maneschijn
as Magritshe wier uitgelaten
et was oem 't ale de roeie wijn
en dad oep nen avend late
 
Magritshen onder de wegge kwam
de stoute ruiter diê kwam eur tege
wor godde wor godde Magritshe me lief
en waar gon al ae wege
 
Noh wor dad al mijn wegge gaan
en da' zal ek oe gau gon zegge
brengt 'em e kanneke meh roeie wijn
en da' zulde gah dier vergelde
 
A nam Magritshen al ba eur aend
en a goeide z'in de riviere
ligd ier ligd daar Magritshe me lief
en ge ligd in de kóele riviere
 
Mor deur de stroêm van 't kleer waterke
is Magritshe nor Gent gon vere
de mense van Gent ebbe Magritshen erkend
en da kwam deur eur oêge klere
 
Magritshen ad e klein ringesken aan
en wa stoeng er daaroep geschreven
as da' de stoute ruiter eur lief
ad Magritshe zoe wriêd misdreve
 
Den dag passeerde den avend kwam aan
z'ebbe de stoute ruiter gevange
z'ebben 'em in vier kwartiere gekapt
en on ieder poêrt een diêl g'ange
 
Al die da ni' geloêven en wild
en ze meugen al vrij gon kijke
te Gent al binne Sint-Jans kapel
en dor lee Magritshe te kijke
te Gent al binne Sint-Jans kapel
en dor lee Magritshe te kijke