Iscur' a mie! Torrat sa reula

Candesa de neula

Si sa luna si nde falat

Tue tando mi jamas



E deo innoe setzidu in domo

Iscurtende una ‘oghe                                      

Ch'apo già intesu in su coro

Ruende in amore



S'astrore de sos ogros tuos, lillos asulos

Fieros in traversìa

“Ite bellos cantos”

Una die nadìas



Med' annos a daesegus in fiammas isperdidos

Nocche donesimus prendas

Itte juchen' sos ammentos?

Ruinzos e sienda



Como t'ido in d'una notte mala e so foza in su ‘entu

Como t'ido in bentana riende a sa zente e su nie

Lentu falat e biancu si posada in coro meu

Faeddaìamus de sa vida e de sa morte...



Bendiat rios de ‘oghes dae Deus beneittas

No b'aiat falta nè duda

Amore in sas venas

Durchesa in sas viulas



Ruìamos subr' abacados pardos

Dicios' ‘e jucher “sa rosa”

Dicios' ‘e ‘ider claresa

Leande luche a sa ena



Undas et undas de nostalgia

M'intristin' sa melodia

Tue chi torras che reula

Leam' un'atera paraula



Ca deo como cherzo paraulas, paraulas noas

Paraulas antigas

Ma si tue mi leas sienda e ruinzos…

...deo l' apo pagados



Como t'ido in d'una notte mala e so foza in su ‘entu

Como t'ido in bentana riende a sa zente e su nie

Lentu falat e biancu si posada in coro meu

Faeddaìamus de sa vida...