Me zoatn in Spanje in d’arena 
me wilden eki gon kiekn no neen echten toreador
m’adn doar ol vele over hoord 
mo me zeidn teegn mekoar , is da wel ollemale woar
me woarn lik nie echt up uus gemak
want me wildn lik nie zien dat die stier doar zeer gienk lien
’t zien toch wel vreselijke diengn, Ot de menschen ole staan ziengn
Voe ne stier die doodgoat

‘k en da meschien nog nie verteld
Mor ik zien ik in mien leevn toch ol meerdere keern geveld
Simpelweg deur ‘t zien van bloed
Nink ik zien up dat vlak echt in ’t hele gin held
Dus ik hoopte in ’t geniep 
dat dien toreadar em bievoorbeeld oversliep
‘k droomde dat die stier geweune liep 
Met zien neuze in de wiend
Zoender dat’n gekwetst werd

ommeki begoste ’t spil
Dien toreador ne miek zen entree
Me peisdn ’t is hier e twot up til
Dien toreador liep redelijk zwee
Me peisdn wieder dedju wat is da nu
Dien toreador lopt reedlijk paraplu

Me zoatn in Spanje in d’arena 
En me wilden eki gon kiekn no neen echten toreador
m’adn doar ol vele over hoord 
mo me zeidn teegn mekoar , is da wel ollemale woar
me woarn lik nie echt up uus gemak
want me wildn lik nie zien dat die stier doar zeer gienk lien
’t zien toch wel vreselijke diengn
Ot de menschen ole staan ziengn
Voe ne stier die doodgoat

Toreador, Je lopt gie lik zo roar
Ej gie meschiens tevele
Geflirt met ’t gevoar
Et de stier joen up zien oorns gepakt
En de groend in gekwakt
Ej gie meschiens oenlangs 
E stuuksje get, woar daj’t niet geren et

Dien toreador ne riep ie toen heel roar
“’k zien ol nor ier komn gevoln en reedlijk zwoar"
Z’en mien up mien velo angereen
’t e ne wree buus gegeen
‘k zien met mien edele delen up mien buze gestuukt
‘k adn beter e vrouwvelo gebruukt

Me zoatn in Spanje in d’arena 
En me wilden eki gon kiekn no neen echten toreador
m’adn doar ol vele over hoord 
mo me zeidn teegn mekoar , is da wel ollemale woar
me woarn lik nie echt up uus gemak
want me wildn lik nie zien dat die stier doar zeer gienk lien
’t zien toch wel vreselijke diengn, Ot de menschen ole staan ziengn
Voe ne stier die doodgoat