Dit is e liedje over eten nu
Mo zwiegt toch gie

Ik zien up vlak van eten gin seceuren
Ik drome noois nie van de comme chez soi
Voe mien gin tagliatelli met drie kleuren
Voe mien gin culinaire tralala			tralala
Voe mien gin iraneesche kaviaar
Gif mien mo zere e baksje frieten me tartaar
Van kreefte ligt mien mage overoop
En meestol ook mien dermes in e knoop

E doze pilchards in tomatesause 
meer moet da voe mien toch echt nie zien   nie zien
E droge stute met e dikke tute bloewost 
van e ves gestoken zwien  zwien, zwien
E kaste brood me goe paté
E kokkeneitje me patattepuree
Zo zevengangnmenu doar doenk ik nie an mee
Gif mien mo keun up de goeste van mémé

Pas up, je moet de zaakn als volgt beschouwen
De meeste koks , ze doen da nie zo slicht
De vrage is en kuj da wel vertrouwen
Wat dat er doar up joen tallore ligt
Want wien wit on ze ertekolf serveren
Ziej gie meschiens wel geitevlees an’t consumeren
En woaren de kwartelboetjes lik e bitje vet
Toen ej meschiens geweune spreeuwepotjes get

E doze pilchards in tomatesause 
meer moet da voe mien toch echt nie zien   nie zien
E droge stute met e dikke tute bloewost 
van e ves gestoken zwien  zwien   zwien
E kaste brood me goe paté
E kokkeneitje me patattepuree
Zo zevengangnmenu doar doenk ik nie an mee
Gif mien mo keun up de goeste van mémé

E doze pilchards in tomatesause 
meer moet da voe mien toch echt nie zien  nie zien
E droge stute met e dikke tute bloewost 
van e ves gestoken zwien  zwien   zwien
E kaste brood me goe paté
E kokkeneitje me patattepuree
Zo zevengangnmenu doar doenk ik nie an mee
Gif mien mo keun up de goeste van mémé