‘k en voe niet ‘k en voe niet, ‘k en voe niet gin tied
‘k en voe niet ‘k en voe niet, ‘k en voe niet gin tied
‘k zien doardeur’ol drie schone vrouwen kwiet 
‘k en voe niet ik en voe niet gin tied

‘k moetn nog dit , ‘k moetn nog dat
‘k moet nog si en la
‘k moetn nog dit , ‘k moetn nog dat
‘k moet nog si en la
‘k kun ik oast biekan, nie mi slaapn doarvan 
‘k moet nog si en si en la

‘k moetn vanavend ollesziens nog zere gon vergoaren met de keuneboend
‘k moetn doarvoorn nog gon wandeln in de rapte met me noend
En ‘k meugn ollesziens ook zeker nie vergetn van zere nog te beln
Want ik moet magre nog toartn besteln en tetteschutl’n in scheln
want morgn komt mien tante mien tante uut Gent
daj gie meschien nie kent, mo ’t is verdomm’ e wree serpent

‘k en ik nooit,’k en ik nooit gin menute vrie
‘k en ik nooit,’k en ik nooit gin menute vrie
’t is ie nooit gin menute kalm bie mie
‘k en ik nooit gin menute vrie

‘k zien ik oltn’n ;’k zien ik oltn’n t mo gepresseerd
‘k zien ik oltn’n ;’k zien ik oltn’n t mo gepresseerd
‘k graakn ik nooit nie mi gerelaxeerd
‘k zien ik oltn’n t mo gestresseerd

ik moetn oltiet bezieg zien
 nink ik kun mien nie verveeln
ik moetn oltiet bezieg zien
nink ik kun mien nie verveeln

up reize goan
enk ik nog nooit gedoan
want ik kun doarvoorn me werk nie loaten stoan
pertank d dokteur e dat ol dikwijls angeroan
van mien moat enk ooit eki ne kadobong get
voer e dagsje in de wellness ’t wos e heel schoon pakket
mo die bong enk ik noois in natura ommegezet
ne wos ommeki over tied en k’adn ik doar nie up gelet

allez gomm eki e stiksje ollene zieng ik en gie
ja mo ja niet ol te lank e
nee nee kom gow

is’t nu manden vul met appels trekn
of  roozn snoein of geraniums stekn
of  stoffoasje smietn teegn ferniend en slekn
of kadoos inpakn met grote strekn

‘k en voe niet ‘k en voe niet, ‘k en voe niet gin tied
‘k en voe niet ‘k en voe niet, ‘k en voe niet gin tied
‘k zien doardeur’ol drie schone vrouwen kwiet 
‘k en voe niet voe niet gin tied