En Bons, dee leep ins door ut bos en veel dao op zien mojl.
Heer hoort inins : Diech stommerik, de trejdes in un kojl.
Heer keek umhoeg tot in de buim en zaog unne pappegeij.
Dee zaot h'm oet te lache en dee zoong toen wie un kreij:
lalalalalalala......

En s'aovens ligk heer in zien bed, de slaopmuts op de kop.
Daan vluig h'm dao e mögske roond, ut zoeme hèlt neet op.
Heer weurt daan gek, heer hojt get roond en springk daan oet zien bed.
Ut mögske zeet: noe sjei toch oet en zoem meh mèt miech mèt:

Zoem zoem zoem ... Fwiet fwiet fwiet ...

Zien veugelke, dat geer sjus huurt, dat maak h'm tuttendöl.
Ut flöt de gansen daag meh door, heer weurt daovaan zoe bröl.
Heer vluch veur al die bieskes en heer pak ziech daan de bös.
Heer geit daan nao de kaffee want dao kump heer op zien rös.

Ach, kom noe Bons en doech normaal, noe maak diech neet zoe drök.
Jong, drink ins aon d'n wijnsje en gaank zitte op dien krök.
Veer neume dit ut bieskesleed en zinge oet volle boors.
Kom doech dit leedsje mèt us mèt, daan kreigste goojen doors.

Lalalalala ... Zoem zoem zoem ... Fwiet fwiet fwiet ...