‘k Ga ne keer vertellen van wa da ter es gebeurd
de laatste keer da’k een vrouw ee avvekeurd
Ik moe nie verre peizen, ’t zit nog vers in mijn geheugen
’t wa uuk maar ene keer, wat ta feitlijk ni zoe meugen
veur ne kèrel van 28 meej een reputatie link ik
ne kerel van 28 meej een fascinatie link ik
veur het vrouwelijk geslacht, die ongelofelijke pracht en mysterieuze macht
die mij avverre versmacht

Ik ben geïnteresseerd en ik ga da blijven herhalen
Ik ben geïnteresseerd, hoorde ’t nie aan mijn verhalen
over eenzaamheid en koude en verlangen en verdriet?
De ware liefde: onontgonnen gebied
Veur mij
Maar ‘k ga nie blijven klagen
Want soms kommen ’t er vragen
Van vrouwen die ’t zien zitten, aangelokt deur mijn succes
Of wat ta ter veur deurgaat
Enfin, gene stress, ‘k kan ’t nog aan, gene stress

Het stelt nie vele veuren: ’t es een verhaal van twee keer niet
Woensdagachternoene en het regent dat ’t giet
Ik zitte nog up schole, ’t es een jaar of viere ‘leen
Groepswerk mee een bende, ik klage steen en been
Het vak bennek vergeten, moar da doet er echt nie toe
’t Moe af zijn tegen mor’en en ik ben al redelijk moe
Dus mijn’ weerstand es verzwakt, onthoud da zeker goe
Anders kunde nie verklaren da kik doe wa da kik doe

Ik ben rustig aan ’t typen: analyse, rapportering
De concentratie es enorm en groot es de ontbering
Blijkbaar bij iedereen en nie alleen bij mij
De vrouwen krijgen ’t moeilijk, maar de redding is nabij
Onder de vorm van mijzelven, dat a kik nie verwacht
Hoe erg moej’ d’r aan toe zijn da je zo naar mij smacht?
Dus ik komme nui ter zake en ‘k vertel wat er es gebeurd
De laatste keer da’k een vrouw ee avvekeurd

De laatste keer da’k een vrouw ee avvekeurd
De laatste keer da’k een vrouw ee avvekeurd
De laatste keer da’k een vrouw ee avvekeurd
Spannend, vint, wa da ter tun è gebeurd

Ik ben d’r dus aan ’t typen, geconcentreerd link geen een
En al met te keer, voel ek een hand up mijn been
Wa later gaat ’t omoge, onder (min) baai en min emde
Ik kanne nie zeggen da kik daarmee instemde
Dus ik vrage aan da mens: ‘Wa dè dadier mee gij?
È da van ui gewente en wa wilde gij van mij?’
Ze zegt: ‘Allez, Steven, versta ta toch ne keer
Mijn handen èn zo koud en ik verlange naar meer.’
‘Ui lijf is ideaal, als stove en matrasse
Kom, legt u toch naast mij en ontkurkt nog gauw een flasse.
Laat oes de stress vergeten, een massage, zie je ’t zitten?
Ik weet da’k moddervet ben, (mo) gaan we daar over vitten?’
Ik ee gerefuseerd, merci, maar liever nie
Vooral ook omda ’t een groepswerk wa mee drie
Dus da dè mijn verhaal en dat est er dus gebeurd
De laatste keer da’k een vrouw ee avvekeurd

De laatste keer da’k een vrouw ee avvekeurd
De laatste keer da’k een vrouw ee avvekeurd
De laatste keer da’k een vrouw ee avvekeurd
Spannend, vint, wa da ter tun eè gebeurd