Det doar is Lei, Lei is enne boer
het koewe en prei en verkeupt alles door
's merges vroeg op, de ganse daag werke
en nou zit 'ie heer, zo zwart als 'n verke
gister het heej nog tot drie oor gezeate
allien ziene jas, din is íe vergeate

't is kermis en dan is ut heer altied druk
kermis of neet, op d'n hook op die kruk
doar zit aalt dezelfde, echt zonne stille
beroepsvreejgezel, ziene tied te verspille
verteld over vroeger, het veul oetgevreate
allien zienne naam, din bin ik vergeate

't zelfde bandje stiet heer wir te speule
en ik denk dat ik wiet hoe zeej zich veule
ge makt wal muziek mar gen mins din 't snapt
iedereen drinkt en niemand die klapt
ge mot wal van geld of muziek zien bezeate
of op zien minst snel kunne vergeate

Jopie ken ik nog van hiel lang gelijje
dat waas enne linke en ni gauw tevrijje
haj mojte met drank, mojte met vrouwe
totdat zeej um vroog, toen zien ze goan trouwe
um twelf oor nar bed en um half zes eate
nou is alles wir good, umdat ze vergeate

Mark din is sleum, di wet alles van cente
van koepe, belegge, van rente op rente
van hoe ge op termien 't beste kunt spare
en van roeie wien en dikke sigare
sigare zoe lang, die kunde ni meate
heej het wir gen veur, dat is 'ie vergeate

Jan het gedronke, proat oaver d'n doed
gister kwaam ik nog in Ysselstyn oet
det kerkhof steit vol met ontelbare kruuze
ontelbare rijje met nog vul mier Pruuse
ik heb 'n kwarteer bij dat burdje gezeate
't blieft vrede zoelang weej dit neet vergeate


(c) Rowwen Hèze
tekst & muziek: Rowwen Hèze