watsto ek dochst
wêrsto ek giest
foar dy sil it nea net feroarje

wat hy ek seit
hoe’t hy ek praat
de twifel bliuwt altyd bestean

do bist benaud om te ferliezen en draaist dy om
sa gau ’t it gelok foar dy tichterby komt – is it oer
sa hat it altyd west
want do wiest, do bist, do bliuwst
in brânmerke famke

wêr’t jim ek gean
wat jim ek dogge
foar jim sil der nea wat feroarje

flechtsje of stilstean
makket it noch út
nea sille jim ien fertrouwe

jim binn’ benaud om te ferliezen en drave foart
sa gau ‘t it gelok foar jimme tichterby komt – is it oer
sa hat it altyd west
want jim wiene, jim binne, jim bliuwe
brânmerke famkes