Ha 'k dy ea wol sein hoe wiis as ik mei dy bin 
ha 'k dy ea wol sein dit giet sa lang net min 
sjoch ik dy dan ha ik it fuort nei 't sin 
ha 'k dy ea wol sein hoe wiis as ik mei dy bin 

Ha 'k dy ea wol sein do bist de frou foar my 
omdat ik altyd noch de kribels krij fan dy 
it is by ús noch krekt as yn it begjin 
ik wol leauwe dat ik gjin dei sûnder dy kin 

Immen hat ea sein it libben is as in see 
do swabberst mei, fan it measte gjin idee 
it is eb en floed en meigean mei de stream 
en hast gelok dan is it krekt in dream 

Do hast de pearels yn dyn eagen en de weagen yn dyn hier 
ús libben is soms krekt in mearke, mar dit mearke is wol wier 
en ik bin wol net sa'n swimmer, mar ik swim sa goed as ik kin 
ik bin dyn lytse mearman en do myn seemearmin 

Ha 'k dy ea wol sein dat ik it suver hast net leau 
dat ik al bliid bin as ik inkeld driuwen bliuw 
troch dy wit ik no dat dat samar kin 
ik gean nea wer foar it libben op de rin 

Ha 'k dy ea wol sein, dy bliuw ik altyd trou 
Ha 'k dy ea wol sein dat ik sa'n soad om dy jou 
myn wurden binne klisjee, mar oars ha ik gjin 
omdat ik eins net sa'n man fan wurden bin 

Do hast de pearels yn dyn eagen en de weagen yn dyn hier 
ús libben is soms krekt in mearke, mar dit mearke is wol wier 
en ik fiel my krekt Neptunus mei syn wetterkeningin 
mar ik bin dyn lytse mearman en do myn seemearmin