i han e giraff untrem bett,

wo mit mir chinesisch redt.

bini mal chli früener wach,

spile mir im dunkle schach.



mängisch macht er kunschtück vor:

winkt mir mit em einte ohr

macht in hals e chnüppel dry,

pfyft es liedli no derby.



aber itze isch er chrank,

ligt nur ume, macht ke wank.

trinkt nur heisse tee im bett,

wüu er nämlech halsweh het.



i han e giraff uf em tisch,

wo schynts e profässer isch.

ihm isch alles sunneklar,

alles, was är seit isch wahr.



är cha rächne wie de blitz,

cha sogar der schnydersitz,

kennt am himmel jede stärn

kennt paris, new york, luzärn



aber itze isch er chrank,

hockt nur ume, macht ke wank

wett am liebschte niemer gseh,

är het nämlech ohreweh.