Min leven es ne kwis
'k ken de vragen ondertussen van buiten
maar 'et es multiple choice
veel te multiple choice
der es meer keuze dan da kik kan gebruiken

Min leven staat ip stelten
maar a' 'k rap genoeg ga, houd ik min evenwicht wel
iederen dag min uren kloppen
kwestie van juste nie stoppen
en a j toch stopt, rap ip reize
anders zoe j' begunnen peizen
ip den deur

Ligt het aan mie, ben ik nu ziek, min hoofd moet in de plaaster
'k zoek een verband, ik zit al jaren ip de zjante, kun je nie wa blazen
ligt het aan mie, ben ik nu ziek, min hoofd moet in de plaaster
geef mie 't verdict, ik ben verstikt, ik gerake buiten asem

Min leven es ne cross
ik e goe spikes aan, maar min rie(g)koorden hangen los
tot nu toe nog ongeslagen
wacht ik ip nen bezemwagen
'k vreze da 'k min beste krachten al e vermoost

God keek je gie misskien wa skeel
ton da j' de mens gemaakt et naar uw eigen beeld
'k gelove niets van al da j' zegt
want gie leeft in de wolken en ik leef in 't echt
widder leven in ’t echt

Ligt het aan mie, ben ik nu ziek, min hoofd moet in de plaaster
'k zoek een verband, ik zit al jaren ip de zjante, kun je nie wa blazen
ligt het aan mie, ben ik nu ziek, min hoofd moet in de plaaster
geef mie 't verdict, ik ben verstikt, ik gerake buiten asem

'k Leef ip 't tempo van ne gletsjer
'k ben van ijs en puin en stof
voor iedere meter da 'k vooruit ga
smelt ik dubbel zoveel af
en alles wuk dak wete, vint
waar et het mie gebracht
ik ha in plekke van te lezen
beter een bitje meer gewrocht