bhula bhi de use jo baat ho gayi pyaare

naye charaag jala raat ho gayi pyaare



na teri yaad na duniya ka gam na apana kayaal

ajib suurat-e-haalaat ho gayi pyaare



teri nigaah-e-pashemaan ko kaise dekhuunga

kabhi jo tujhase mulaakaat ho gayi pyaare



kabhi kabhi teri yaadon ki saanwali rut mein

bahe jo ashq to barasaat ho gayi pyaare



wafa ka naam na lega koyi zamaane mein

ham-ahal-e-dil ko agar maat ho gayi pyaare