On s’a qwité so l’êr di San Francisco Bay,
Mins d’vins m’ tchanson, gn-aveût nou batê,
Jusse li fameûs quê ås-adieûs,
Wice qui l’ bluesman si sint tot seû,
Sins qu’ lès feûs
Dèl motrice
Ni sèyîsse
Ni bleûs ni trisses.

Dj’a dit : « mutwè », èle a dit : « awè ».
Li rèsse s’a pièrdou, dji n’ sé pus poqwè.
Dj’a tûzé : dji n’ va tot n’ minme nin
Tchoûler cial come on gamin.
Mins dj’ l’a fêt,
So San Francisco Bay,

Si dji d’héve à ç’t’eûre
Qui dj’ènn’a co ine doleûr,
Dj’ mintireûs,
Ci sèreût
Vis catchî qu’å minme moumint,
I-gn-aveût ‘ne fleûr di prétimps
Qui m’ ratindéve sol’ costé
Èt qu’ m’a d’né -
Tièsse di m’ vét ! -
Li pus bolant dès-ostés.

Fåt creûre qui dj’ n’èsteû 
Nin prèt′po l’ boneûr
Èt qu’ come hippie,
Dji féve amateûr,
Ca li ros’lant boton d’ prétimps
N’ m’a nin ratindou bin longtimps,
Èvôye avou l’ San Francisco Bay.


origineel: SAN FRANCISCO BAY BLUES van JESSE FULLER