Pus vîs pus sot,
Cou d'zeûr cou d'zos,
Qui vout fé l'andje
Fêt l' mårticot.
On pô suris',
Èt fwért roûvis',
Såf po l' ci qui
M' fêt dès displits.

Dji cwîre mi vèye,
Dji cwîre li vrêye
Divins les spots.
Dji cwîre mi vèye,
Dji cwîre li vrêye
Avå lès mots.

Pus d' bètche qui d'cou,
Dji vou, dji n' pou,
Dji m' kitape tot
Come peû è pot.

Å rèsse dji done
Tot à pougnèye,
Tot à fêt come
L' curé d' Joupèye.
Sins nole vergogne
Dj'a poûhî d'vins
In-oûve walone
D'à Dejardin.