Vocial mi pére :
C’è-st-on vårègn,
Mins i k’nohe bègn 
Li Guitare Sweng.
Enn’a qui d’hèt 
Qu’ c’è-st-on boubièt,
Mins i k’nohe bègn 
Li Guitare Swing.

Faléve nos vèy, 
Li dîmègne å matin,
Qwand on mètéve
Hampton so l’ toûrne-disse.
On-z-ètindéve
brêre tos les vwèzins :
« On ‘nn’a s’ cou plin ! 
èt on va houkî li police ! ».
Sweng, li Guitare Sweng,

Vocial mi mame :
Èle fêt dès hègnes.
C’èst qu’èle n’inme nègn
Li guitare swègn.
Èle si rèssèrre
Divins s’ couhène
Tot l’ timps qu’ mi pére djowe
L’ guitare Swing.

Wice qu’on potchîve 
Vôrmint foû di s’ frake,
C’èst qwand l’ phono
Atakéve « Tiger Rag ».
Di m’ costé, dji
tapéve come on d’ lahî
So ‘ne bwète di Biscao
Avou des cwîs. 
Sweng, li Guitare Sweng,

Di timps in timps,
On candjîve li programe.
On hoûtéve Jerry Lee 
Ou bin Cochran.
Mi grand-mére dihéve : 
« C’èsteût d’djà bê. 
À ç t’eûre dj’a ’ne tièsse
Come on sèyê ! »
Sweng, li Guitare Sweng,
   
Mins m’ grand-pére, lu,
Voléve danser.
A todi stu
In-amûsète.
I d’héve à ‘ne frèzêye  
Qui v’néve d’intrer :
« Vous alez vèy
Si dj’ so ‘ne mantchète !»
Sweng, li Guitare Sweng


origineel: GUITAR SWING van CASEY BILL WELDON