Dè l' nut' qwand
L' matin n' vint nin,
On s' dimande: wice
Sèrans-gn' dimin?

Ca l' monde à ç't-eûre,
S'il a candjî,
Ratoûne bin sovint
Èn-èrî.

Dihez-m': èstez-v' mîs
Qu'i-gn-a vint-ans,
Avou l' lîbe martchî
Qu' nos-avans?

«Va-s' å mèye diâles,
S' ti vous ovrer!
Ou lanwih cial... »,
Dit l' capital.

Quî creûreût oûy
Qu' nos magn'rans tos'
On djoû dè l' låme,
Dè souke à l' loce.

Ça, po dès låmes,
On 'nn'a-st-assez
D'vins lès-ouhènes
Qu'on-z-a sèré.

Houte di çoula,
Fåt 'ne bone rêzon
Po fé dès tchansons
È walon.

Loukîz on pô
Cisse pitite fèye
Qui danse vol'tî
So mès pasquèyes.

Sûr qu'on n' ratindrè
Nin longtimps
Divant qu'èle dîhe:
Dji n' comprind rin.

Mins por mi ci
Sèrè-st-assé
Si l'îdèye lî vint
Di wårder
On p'tit bokèt
Dè passé.