L'è ruvaa cun soe el cilindro e trii curtej ne la cintuura


I stivaj de pèll de bìssa e cun la fèvera in di oecc…


L'è ruvaa venerdè siira nella sua villa fada de sàss


L'ha pizzaa mezza candèla e l'ha smurzàda cun la tùss




L'è voolt un metru e una bestemmia el g'ha un viulèn de lègnu russ


Un brascialètt de fiil de corda de quaand vurèven impiccall


L'hann licenziaa dal purgatori, l'hann battezzaa cul grand marnier


I so pensee tuchen la tera e sura i vedri fa mea rifless




E donca sara la tua finestra


E fa trii voolt el segnu de la cruus


Tappa i urecc quaand che veert la custodia


 Che quaand el sona l'è periculuus


E ogni saant e ogni madona


 Questa nocc el sara la porta


Scapa fioe scapa fioe scapa fioe…


L'è scia' el baron de la lena storta


L'e' scia' el baron de la lena storta




Hann dii che l'era un reverendo, hann dii che l'era un mercenari,


hann dii che l'era un trapezista in un circo in ungheria


e l'è nassuu a s. marie de la mer el 34 de febraar


el so' prufiil l'è tutt al cuntraari, la sua cravatta una crapa de moort




e l'hann veduu spustà la nebbia, sara' una stela in una gabbia,


l'hann impicaa e s'e' rutt el ramm el g'ha la pèll culuu del foemm


e in quarant'ann de manicomi l'è diventaa mila person


l'è mea guarii, l'ha mea capii…ma l'ha imparaa a sunà el viulen


e in quarant'ann de manicomi l'è staa un poo tucc e un poo nissoen


ma adess l'è scià cun soe el cilindro e luu la sa' che l'è el baron