[Chorus]

Oró, sé do bheatha abhaile, 

Oró, sé do bheatha abhaile, 

Oró, sé do bheatha abhaile

Anois ar theacht an tsamhraidh.



'Sé do bheatha, a bhean ba léanmhar, 

do ba é ár gcreach tú bheith i ngéibheann,

do dhúiche bhreá i seilbh méirleach, 

is tú díolta leis na Gallaibh.



[Chorus]



Tá Gráinne Mhaol ag teacht thar sáile, 

óglaigh armtha léi mar gharda,

Gaeil iad féin is ní Gaill ná Spáinnigh, 

is cuirfidh siad ruaig ar Ghallaibh.



[Chorus]



A bhuí le Rí na bhFeart go bhfeiceann, 

mura mbim beo ina dhiaidh ach seachtain,

Gráinne Mhaol agus míle gaiscíoch, 

ag fógairt féin ar Ghallaibh.



[Chorus]