jitz geit's mr wieder viu viu besser

i han e wohnig wo mr gfaut & i ha mr e meersou gkouft

& irgendwenn hani begriffe dass es witergeit -

d'zit isch en auti maschine wo louft & louft & louft

& jitz loufeni wieder mit mau chli füre & mau chli zrügg

& bi mau chli hie & da & gumpe drii & wieder druus -

i loufe eifach so chli mit & bi geng grad e haube schritt am blues voruus

chumm mach dr mau um mi nid z'viu gedanke -

es isch doch schön gsii & beröiie tueni nüt -

höchschtens das wo när no aus isch cho - das hätt i nid bruucht -

aber gloub mr jitz bin i wieder ziemli bi de lüt -

gloub mr jitz bin i wieder viu viu besser druffe -

i rasiere mi wieder & trinke nume no ir nacht -

i flicke jede zwöit tag d'stereoalag vore nachbarin

wo äuä nidemau di hätt iiversüchtig gmacht