Mestreech is neet breid meh Mestreech dat is laank
Mestreech is de stad vaan de Gezèlle vaan de Zaank
Niks is te lestig en niks is te zwoer
want vruntsjap dat is noe zjus de krach vaan 't koer

Veer zien gezellig es vrun ónderein
Us te ammezeere, dat vinde veer zoe fijn
Vergete is de zörreg die soms op us drök
daorum koume veer edere maondag trök

Mestreech is neet breid meh Mestreech dat is laank
Mestreech is de stad vaan de Gezèlle vaan de Zaank
Niks is te lestig en niks is te zwoer
want vruntsjap dat is noe zjus de krach vaan 't koer

Ès veer zoe bejein zien, is 't altied raak
Daan weurd noe en daan de kachel aongemaak
Veer zègke wel ins hommel, meine niks daovaan
Drinke us e gleeske en veer zinge daan

Mestreech is neet breid meh Mestreech dat is laank
Mestreech is de stad vaan de Gezèlle vaan de Zaank
Niks is te lestig en niks is te zwoer
want vruntsjap dat is noe zjus de krach vaan 't koer