Wie Johnny wow goon trowwe mèt e meidske oet de straot
't Waor sinds jaor en daag al ziene bèste kammeraod
E fien en aordig snuutske, klein vaan stök en zoe sjarmant
Veur Johnny zonneklaor 't sjoenste vaan 't land

Meer Johnny had ouch vrundsjes vaan 't mannelek geslach
Heer wis die höbbe vas get ammezants veur miech bedach
Ze hadde e leuk vrijgezèllefeeske opgezat
Ze vierde dat neet toes mer liever in de stad

En Johnny zag 'tis good, iech gaon wel mèt
Mer neet te lang, want iech wil vreug nao bèd
Want mörge moet iech op d'n altaar stoon
Want mörge moot iech trowwe goon

Want mörge is 't vrijgezèl gewees
Heer strort ziech in 't oongeluk dus hawwe veer e fees
Want mörge is dee sjoene tied gedoon
Dus laote veer venaovend pierewejje goon

En Johnny dach iech daon mien allersjoenste kleijer aon
't Pak boemèt iech zoondag altied nao de kèrrek gaon
De door mam gebreide jumper, de door pap gepòtste sjeun
De haore good gewasse, daonao in de föhn

Mer Johnny woort getakeld in 't vrijgezèllepak
De errem zaote ruim allein de batse zoate strak
'n Korte brook, 'n lang krevat, e mötske op de kop
"vaandaag ben ik nog happy" had 'r achterop

En Johnny zag zoe loup iech toch veur paol
Me vint dat vas en zeker e sjendoal
Want mörge moet iech op d'n altaar stoon
Want mörge moot iech trowwe goon

Ze ginge caffee in en caffee oet tot 's aoves laat
en Johnny woort zoe langzaamaon e bitsje knetterzaat
Heer dach dit is pas ech gelök, iech sjriew 't vaan 't daak
't Vrijgezèlleleve is de sjoenste zaak

Mer Johnny kreeg gei woord mie oet de moond
En lallentere veel 'r op de groond
Mer mörge moot 'r op d'n altaar stoon
Mer mörge moot 'r  trowwe goon


(c) Jos van Herpen