Haaf bevrore lagte veer in Rusland aon, op zeuk naor e pläötske um us op te werreme,
oontdèkde veer tot de Russe nog noets e glaas beer gedroonke hadde
Ziesjoem! Zörreg dus veur de Berestrojka!

Berestrojka

Door de snie en kaw totaal bevange
Kaome veer in Vladi-wostok aon
Woorte door unne stoere rus oontvaange
Dee us mèt nao zien kafeeke naom

Heer booj us un drenkske vaan ‘t hoes aon
God vergeef miech, iech vergaot de naom
Meh wie iech toen d’n ierste groete slòk naom
Dach iech: höllep, noe gaon iech d’r aon

Heer bekeek us roed-doorloupe ouge
Pakde toen de fles mèt draank alweer
Drink geer noch eint leek heer us te goon vraoge
Meh veer sjriewde: geef us mer un glaas beer

Eur gasvreijheid kinne veer waardere
Me zet noe die fles vergif mer neer
Geer moot weite veer zien Mestreechtenere
En die leve inkel vaan ‘t beer

Grolschki, Amstel, Heineke en Brandska
Struimp beij us wie water oet de kraon
Ziesjoem zörreg ouch heij veer berestrojka
Mör’ge kump de ierste laojing aon


(c) Jos van Herpen