Willem Vermandere

Willem Vermandere - De bomen lyrics

Your rating:
Der liggen dertig bomen geveld
langs de weg die leidt naar veurne
'k hè ze zien liggen en 'k hè ze geteld
en ik peinsde hoe kan dat gebeuren
want de wind kan hier al zo vreselijk loeien
en de vlakt' is zo bloot zo oneindig
en 't is voor bomen al zo moeilijk te groeien
en der zijn d'r hier al zo bitter weinig

Der liggen dertig bomen geveld
Ik kost mijn oren eerst nie geloven
maar de kinders in het dorp hèn 't mie verteld
en ik peinsde dat is lelijk gelogen
want ze staan daar zo schone mee met de wind
die komt van de zee daar in 't westen
bomen lijk da'j z' hier nu nergens meer vindt
hoge kruinen met veugelnesten

Der liggen dertig bomen geveld
je moet daar niet om rouwen
want bomen zijn vals en plegen geweld
langs de weg zijn ze niet te vertrouwen
den eik is sterk lijk gewapend beton
populieren hèn een droge kele
platanen zijn schurftig en den olm ongezond
en de wilgen zin d'r hier toch veel te vele

Der liggen dertig bomen geveld
de wortels nog diep in d'eerde
verkapt en verzaagd voor een pootje geld
bomen van onschatbare weerde
ik probere 't verdriet van de bomen te verstaan
daarom hè 'k mijn liedje gezongen
nen boom is gemaakt om rechte te staan
met zijn armens naar den hemel gewrongen
Get this song at:
bol.com
amazon.com

Copyrights:

Author: Willem Vermandere

Composer: Guido Desimpelaere

Publisher: Universal Music Belgium

Details:

Released in: 1981

Language: Dutch

Appearing on: Lat mie maar lopen (1991)

Share your thoughts

This form is protected by reCAPTCHA and the Google Privacy Policy and Terms of Service apply.

0 Comments found