Wie kent er niet de streke van ’t Veurnsche Blote
Met wulgen langs de beken en koeien in e wee
Met hier en daar ne meul’n, e meul’n op e mote
Met golvende vlasschaards lik e wiegende zee

La la lalalaaa lalai lalai lalalai

Wie kent er niet de streke van West-Vlamsche bergen
Met dorptjes in de verte en vievers dichte bie
Met menschen beneên, ze schynen lik dwergen
En d’hommel in ’t roende, wie kent er da nie

La la lalalaaa lalai lalai lalalai

Wie kent der niet de streke van Yzer en front
Beroemd ut’n tyd van vlonder en vlier
Verwoesting en puun tot ver in ’t ronde
‘k Vervloeke den oorloge, ‘k wil hem niet meer hier

La la lalalaaa lalai lalai lalalai

Wie kent er niet de streke van dunen en zee
Met keuntjes in ’t wilde en helm in ’t zand
E streke noa myn herte, der zyn der geen twee
’t is myn bacht’n de kupe, myn dierbare land

La la lalalaaa lalai lalai lalalai