En kranten schraaien koppen van honger en verdaarf
In Pekel schut 'n boer 'n ambtenoar van 't aarf
En wied genog vot binnen ze oorlog aan 't speulen
Aan alles is gebrek, behaalve aan beulen
Op televisie winnen ze priezen doar gain verlet om is
Brood en speulen, quiz noa quiz

Mor daor kieken wie nait noar, want ons lucht is blaauw
En d'wereld gaait zien gang om ons tou
Dat kin ons nait deren, dat gaait gewoon veurbie
Want ik hol van die en doe van mie

Kinder lopen schoade op in d'wereld van de groten
In Leutjegast hebben ze schoapen mit vief poten
Bie 'n stinkend riek bedrief vuil de omzet weer tegen
In plaots van vief miljoun hebben ze mor drije kregen
Wie breken ons de nek wat we eten zellen vandoag
Hou zol 't wezen mit d'ozonlaog

Buurvraauw het nog sniebonen, dij het nog wat in 't vat
Buurman gaait noar maarkt en kocht n kat in d'zak
En wie eten ons gezond in potten vitaminen
En drinken ons dun in haalve melk mit dioxine
Der is gain wind of zun, zodat 't nait op 't wasgoud weert
Dom geboren, nait te veul leerd