Onder de koeppel van de stase
oep ne grijzen dag in mei
zat ek oep de stiêne baenke
die dor wachtten oep een rij
meh' de regen oep m'n iele
was ek er nortóe gegaan
nor la dernière gare du monde
on et einde van de baan
 
Oep nen trein moest ek ni wachten
ik ging nieverans nortóe
en de zweêrde van d'orloge
weze giêne rendez-vous
en de rege van de lente
kletste neer zonder lawijt
oep la dernière gare du monde
on et einde van den tijd
 
'k Zag de wereld daar passeren
in een eindeloêze stóet
vol parfums en zochte kleure
lak ne woordeloêze gróet
'k zag de vrouwe die dor loêpe
bloemme van de Venusclan
die uneige dor verkoêpen
on de droême van ne man
 
Mensch mann wähnt sich in ne Kirche
wenn mann diesen raum betritt
it's an interesting construction
quite unusual I admit
't is ne pêrel van een ruimte
diê cadeau van Leopold zwei
diê z'n glore kon betale
meh' de pijn van slavernij
 
C'est la dernière gare du monde
ah mon vieux c'est une merveille
'k eb da' zelf ni' gevonde
't was ne Waal diên et me zee
't is in 't Vloms ni te vertale
't is perfect ik laat et staan
c'est la dernière gare du monde
on et einde van de baan