Postmodern, avant-garde
't is vör mij gebakken broêd
ik geniet van een diskuse
die m'n intellect vergroêt
ik verleg m'n varste grenze
wör verlichter meh' den tijd
deur de glaens van et vereve
BRT 7
 
M'ne radio stod open
afgestemd en g'isoleerd
in frekwense modulasen
oep diê zender gefixeerd
'k oêrde felle filologe
essayiste, poëzie
of e superbrein uitleve
oep BRT 7
 
Erudiete filosofe
bouwen 'er un eilig uis
en ge vind der miêr dan iêne
volgeling van Jozef ?Uis?
da's diên Dötsen oorlogsvlieger
meh' diên truc in z'nen óed
diê tot goeroe wörd vereve
oep BRT 7
 
'k Vuul m'n aendelsweerde stijgen
in 't retorisch woordenbad
en ik laaf mij on 't orakel
zoeveul spirit mokt me zat
en de zöng van de prolete
wörd genadig g'initiëerd
iêne post diê 't öm kan geve
BRT 7
 
Zoe ontvouw ek m'n gedachten
in berekend' armonie
oek al oêr ek dikkels róepe
't is bewustzijnsindustrie
zjaloezie 't kon ni mankeren
oep de maçonieke glóed
van die loge oêg vereve
BRT 7
 
M'nen tekst is een satire
meh' de knipoêg van ne vos
neen ik wil ni koketteren
meh' de wolven in et bos
die de middelmaat veriêre
meh un agressief gehuil
want ik geef 'em d'iêste rij
BRT drei