ik komn van achter n'yser ut de loopgraavn gekroopn
kloar vo heel vloandrn imme woordn te doopn
gelik johannes, walternatief, nu doek't anders
want't spelletj' is oentspoord, respect is dood,
jeddet goort,
oed je kloar vo de transformoasje
de nieuwe generoasje lik e virus deur je informoasje
over hip-hop, a je dr nie tegen kut zwiegt toch
lustert en lustert goed
vloed zet je sluzn oopn, en lat mie binnloopn
overspoeln lik in 1914 yo d'ommekeer is ier
revolutionair want 't is meer dan alleen plezier
vee meer dan alleen commerce, want wien istr de besten
de verkoper of dn echten
zeemeeuwn cirkeln boovn je stad
de wiend ut't westen bloast pann va je dak
's nachts oor je mie roepn recht van de dunntopn
west'oek brust in e flow met schumkopn
ik bluvn klopn, golfbrekers kapot
sto kloar met zandzakn walter ego overspoelt je kot

zet je sluzn oopn - ik komn vanachter n'yser ut de loopgraavn gekroopn
zet je sluzn oopn - kloar vo heel vloandern imme woordn te doopn
zet je sluzn oopn - ik komn vanachter n'yser ut de loopgraavn gekroopn
zet je sluzn oopn - en lat mie binnloopn, lat mie binnloopn

ken dr assan va gedroomd, wakker geleegn imme nest
vo me stemme te loatn oorn, me te legn imme tekst
vo te rapn - vor 'oek west
vor e kunstwerk te maakn ut die schets imme kop
kzie beperkt, nog aatnt nie sterk zoendr job
mor ik en oenger, en zot ik zien't zitn
't leevn is e kanse dak ik nie go loatn lign want ik mikn
op de hobby wodak ik 't meest op kickn, a mie lipn
stikn spugn is 't ebitn lik me liefde dak ik toogn nor abutn
je kuddet nie verdukn
de geludn dak ik spugn wil je bluvn ijjen oorn zugn, snuvn
lik e liene cocaïne, bewiene
je zietr moewer ut dan ik an 't ende va me liene
- komt op oasem, go mee met ik
aj de beat nie ku volgn gok je draagn op me rik
oed je vaste vo de rit no perfecsje
kiekt imme muziek en zie jn eigen reflecsje
zie jezelvn in de golve die komtn, deur de vloed
van de west'oek gevormd
kiek no de storm
kiek oedatn dichter slupt
voelt oedatn roast deur me stemglud

zet je sluzn oopn - ik komn vanachter n'yser ut de loopgraavn gekroopn
zet je sluzn oopn - kloar vo heel vloandern imme woordn te doopn
zet je sluzn oopn - ik komn vanachter n'yser ut de loopgraavn gekroopn
zet je sluzn oopn - en lat mie binnloopn, lat mie binnloopn

(nieuwsfragmenten)

zet je sluzn oopn - ik komn vanachter n'yser ut de loopgraavn gekroopn
zet je sluzn oopn - kloar vo heel vloandern imme woordn te doopn
zet je sluzn oopn - ik komn vanachter n'yser ut de loopgraavn gekroopn
zet je sluzn oopn - en lat mie binnloopn, lat mie binnloopn