O Lassie, are ye sleepin yet, 
Or are ye waukin, I wad wit? 
For love has bound me hand an' fit, 
And I would fain be in, jo!

O let me in this ae night,
This ae, ae, ae night;
O let me in this ae night,
I'll no come back again, jo! 

O hear'st thou not the wind an' weet? 
Nae star blinks thro' the driving sleet
Tak pity on my weary feet
And shield me frae the rain, jo!

O let me in this ae night,
This ae, ae, ae night;
O let me in this ae night,
I'll no come back again, jo! 

The bitter blast that round me blaws,
Unheeded howls, unheeded fa's;
The cauldness o' thy heart's the cause 
Of a' my care and pine, jo!

O let me in this ae night,
This ae, ae, ae night;
O let me in this ae night,
I'll no come back again, jo! 

O tell na me of wind and rain
Upbraid na me wi' cauld disdain!
Gae back the gate ye cam' again;
?I winna let you in, jo!

.................................


O let me in this ae night,
This ae, ae, ae night;
O let me in this ae night,
I'll no come back again, jo!