The sun shines high on yonder hill
And low in yonder dell
The place where me and my love dwell
The sun it never goes doon, bonnie love
The sun it never goes doon

Go saddle to me the bonnie black stead
Go saddle to me the broon
That I may ride all aroon, bonnie love
That I may ride all aroon, bonnie love
That I may ride all aroon

It's when will ye be back, bonnie love
It's when will ye be hame
When the heather hills are nine times brunt
And all grown green again, bonnie love
And all grown green again

O that's o'er lang tae bid awa
That's o'er lang frae hame
The baby that's nae born yet
Will be o'er lang wanting his name, bonnie love
Will be o'er lang wanting his name

He turned aboot his high horse heid
And fast awa rode he
And she kilted up her gay clothing
And fast, fast followed she, bonnie love
And fast, fast followed she

The firsten toon that they cam to
He bocht her some hose and sheen
And he bade her rue and return noo
And nae mair follow him, bonnie love
And nae mair follow him

It's love for love that I do want
Love for love again
It's hard when I lie ye sae weel
And ye nae me again, bonnie love
And ye nae me again

The neesten toon that they cam to
He bocht her a brooch and ring
And he bade her rue and return noo
And nae mair follow him, bonnie love
And nae mair follow him

It's love for love that I do want
Love for love again
It's hard when I lie ye sae weel
And ye nae me again, bonnie love
And ye nae me again

The neesten toon that they cam to
He bocht her a wedding ring
And he bade her dry her rosy cheeks
And he would tak her wi him, bonnie love
And he would tak her wi him

It's love for love that I do want
Love for love again
And there's nane but you for me, bonnie love
And there's nane but you for me, bonnie love
And there's nane but you for me

There's comfort for the comfortless
And honey for the bee
And there's nane for you but me, bonnie love
And there's nane for you but me, bonnie love
And there's nane but you for me

It's love for love that I hae got
Love for love again
So turn your high horse heid aboot
And we will ride for hame, bonnie love
And we will ride for hame