de scheidsrechter schuufelt 't is tiet da me goan voe te tossen
de vijand stoat niedig, de vijand kiekt redelik steur
en voel je den drang voe nog zere je woater te lossen
je moet het niet uphoedn, go mo zere bie de noaste gebeur

de scheidsrechter schuufelt, de match is biekan begunn
me pakkn positie, me spannn ol uze spieren
de vrommenschen schelfern,  ze schruweln ol dat ze kunnn
en de technische staf is ook ol were duchtig an't tiern

voruut met die bolle 
yeah yeah
up no di golle
yeah yeah
schoere teegn schoere winn me ieder duel wel wel wel
voruut met die bolle
yeah yeah 
up no di golle
yeah yeah
en ook de supporters zien oltiet trouw up 't appel

me dekn, me dribbeln, men de tegenstander in uze macht
me geboarn soms van co en me loat uus kosjuus eki voln
me maken e murtje mo me peizn ook an uus nageslacht
me speeln oltiet deure , want de boll' is gemakt voe te roln

de voorzitr" e zenuwn, j'is helegans wit van de stress
de coach zit te wupn, te schartn te frottn en te wrievn
mo wit je wat dat er uuteindlijk nog oltiet 't belangeriekste is
dat is dat de spoensers antieden e chequesje uutschrievn

en niet vergeetn me zien ol van Kokeloare
heel geweune menschen, mor ook wel e poar roare
en ol die helpt met uus doet dat gratis voe niet
zeg mien eki woar daj da nog etwo ziet

© 't Westvlams Gemiengeld Vintekoor