Twas in '95 n'achtienste moart, dat d'er e kiendje werd geboard
'k oorn junder ol peizn, en ton, wel twos gin geweunn wi, twas ne fiston

Van ot'n em uut zien wiege mocht, et'n em oltiet geern show verkocht
Wast nie ol bléten toen wost ol loenkn, zien dulle kiekers schootn olt'n voenkn

En ene kji dat'n em kost loopn, gieng t'er e nieuwe wereld voer em oopn, gin mensch of beeste in zien buurt wos veilig, zien oenderzoeksdrang wos em heilieg

Z'en em meerdre keern moetn zoekn, zo'n kleen vintje voend genoeg spleetn en oekn, of oender 't bedde van memé en pepé was da paniek me zo'n kadé als logé

E liedje voe Saaaaaam de superfaaaaaan
't vintekoor dat is zien leevn, ne doe nie liever dan d'r e lap up geevn
E liedje voe Saaaaaam de superfaaaaaan
Dansn en ziengn à volonté doar istn gelukkieg mee

Zo groeide em op, ne wos nie gehaast, zien interesse's zien an em voorbiegeroast
Van dino's en andre soortn diern twos makkelijk voer em te pleziern

En toen ontdekte n'em 't vintekoor, en 't is nooit nie mi gewist lik daarvoorn
Die danspasjes wilde em leern met dezelfste attribuutn en kleern

Ja, 't is t'oopn da ze nog lange deure bluuvn goan, en da Sam nog veel op 't podium mag staan
Want dansn en ziengn à volonté doar istn gelukkieg mee

Zien idooln zien zien hoop in bange daagn, zien remedie teegn kleene tegenslaagn
'T westvlams gemiengeld Vintekoor doar goat n'em voorn

E liedje voe Saaaaaam de superfaaaaaan
't vintekoor dat is zien leevn, ne doe nie liever dan d'r e lap up geevn
E liedje voe Saaaaaam de superfaaaaaan
Dansn en ziengn à volonté doar istn gelukkieg mee

E liedje voe Saaaaaam de superfaaaaaan
't vintekoor dat is zien leevn, ne doe nie liever dan d'r e lap up geevn
E liedje voe Saaaaaam de superfaaaaaan
Dansn en ziengn à volonté doar istn gelukkieg mee