ol die wilt bie uus vintekoor ziengen
moet e bitje zien grotte en
Pol en Ignace zien d’er bie
z’en ulder langde z’en ulder langde
Pol en Ignace zien d’er bie
mo Kurtje dien is’t er nog lange nie

ol die wilt bie uus vintekoor ziengen
moet ook geern e demietje drienkn
voe Marc en Ivan meug je schienkn
vele demietjes vele demietjes
voe Marc en Ivan meug je schienkn
Mo Pol wilt ollene mo witjes drienkn

ol die wilt bie uus vintekoor ziengen
moet e kunstminnend wuuvje en
Koen, Gerard en ook jowan
en zukke wuuvje en zukke wuuvje
Koen Gerard en ook jowan
en ulder wuuvje als grotste fan

ol die wilt bie uus vintekoor ziengen
mag nie gespeend zien van danstalent
Frans en Kurtje misn oast nooit
da zien goe dansers, da zien goe dansers
Frans en Kurtje misn oast nooit
ol graakn ze soms deur de madams verstrooid

ol die wilt bie uus vintekoor ziengen
moet e bitje n’een nachtuul zien
Pol en Ignace en Patrick
dat zien gin slapers, da zien gin slapers
Pol en Ignace en Patrick
zien in de nuchtend oltiet kwiek

ol die wilt bie uus vintekoor ziengen
moet ook geren de clow uutangn
Marc en Marc en Pol en Pol
da zien komieke, da zien komieke
Marc en Marc en Pol en Pol
Mor Alex go meest van ol uut de bol

ol die wilt bie uus vintekoor ziengen
go nog e bitje geduld moetn en
want voorlopieg zoekn me nie
achter versterking achter versterking
neem voorlopieg zoekn me nie
want m’en nog reservn e stik of drie