kun’t m’ol were voornsteln
ol da volk wer’ in mien uus
’t go were endigen 
me ne groendiege grote kuus
garantie angn de toartn were
toet in de luster in de gang
me zusters joengsten got d’er were mee smietn
’t is verdomme ne wree brigang

‘k zien were nie ollene me kestdag
heel ’t smeer komt were eten
‘k zien were nie ollene me kestdag
ze gon’t were nie vergeten
‘k gon were van olles meugn gon alen
‘k gon me were blow betalen
me kestdag

‘k zien oltiet cotent wi
ot de latstn zien schupp’ofkuust
‘k slaakn oltiet ne zucht wi
ot de latstn der van oender muust
meer of d’n elt is muledroenke
onze ulder schupp’ofkuuschn
en z’en meestol ol heel d’n achtnoene
d’ neen teegn d’n andern up zitn ruuschn

‘k zien were nie ollene me kestdag
heel ’t smeer komt were eten
‘k zien were nie ollene me kestdag
ze gon’t were nie vergeten
‘k gon were van olles meugn gon alen
‘k gon me were blow betalen
me kestdag

in uze familie
 is’t er ol joarn e reglement
elk up toer geevn me me kestdag e feeste
in e soorte van roulement
’t is bie mien biegevolg 
ol zes joar reedlijk kalme gebleevn
mo vandejoare go tier were gank zien
en oj’t moe weetn me zien me zeevn

‘k zien were nie ollene me kestdag
heel ’t smeer komt were eten
‘k zien were nie ollene me kestdag
ze gon’t were nie vergeten
‘k gon were van olles meugn gon alen
‘k gon me were blow betalen
me kestdag
‘k zien were nie ollene me kestdag
heel ’t smeer komt were eten
me kestdag