‘k zien overlatst in ruze gekomn
in ruze gekomn, ’t wos redelik stom
ik kwam in kweeste up ne parkieng
‘k en doar wat oardiegs teegngekomn

ik woare juust an’t maneuvreern
voe te parkeern, en ’t kwam doar e wuuf
e dikke moefte up ne brommer
kwam eur doar vlak voor mien placeern

ik sproenge biekan uut mien vel
ik riep madam, wa peis je gie wel
‘k stoan ik ier ol e kart te wachten
wil je ki garten met dat spel

toen riep ze zie, je peist toch nie
daj gie kut indruk maken up mie
‘k stoan ik ier goed en ‘k gon ier bluuvn
je moe je mor elders zetten gie

toen zeidn ‘k ik gow madam worom
moej gie persé, ier stoan me joen brom
toen ze ze zie da zien joen zaak nie
wat daj gie viend kan mien nie bom

nu zien’k ik echt niet rap gestoord
mo mien humeur , grocht kantjeboord
‘k duwd’eki vuuf keers up mien tuuter
mo ze bleef stoan ze gienk nie voort

ze stak toen e sigrette an
en ze wees d’ermee, no mien otobandn
‘k voelde mien bloeddruk escaleren
’t wos doar in ’t hele gin doen mir an

ik zei madam ziej ol berecht
want ’t got ier endigen, in e gevecht
m’en toen mekoar partie gegeevn
m’en toen doar ’t pleit fysiek beslecht

toen dat de stried wos ofgeloopn
is z’up eur knieen, nor uus toe gekroopn
ze most eurne brommer nie mi mee en
want ne wos riepe voe te sloopn

‘k zien overlatst in ruze gekomn
in ruze gekomn, ’t wos redelijk stom
‘k en dat uuteindlijk overleefd wi
ol stoat mien neuze wel nog krom