Beste sint, je kut toch per velo up roende goan
Euh ‘k zien da niet zitn en ‘k en da nog nooit gedoan
Of achter up neen tandem me joen piet
En heel’tnt verloorn rien zeker, of ken je giedr’em niet
Of pakt zo mountainbike met van die dikke bandn
Je zoe mien zeker in de gracht wiln doen belandn
Mo lieve sint toch, me wiln ollene mor elpn
Wel toen moei mie nie met ol die zever overstelpn
Zoed e kleene kamionette nie handieg zien
Me ne loadbak voer snoep en marsepien
Och lat mien grust, lat mien grust zeggek 

Of ne kamiong of got dat tevele grucht maakn
Wel vaneigen de kiendjes gon in slape nie geraakn
Pakt toen e karretje, getrokn deur neen noend
Mor allez gow, da’s voe zo beestje niet gezoend
Hoe is da meuglijk daj gie toch zo koppieg ziet
Ik zien nie koppieg, ‘k wiln geweun mien peird niet kwiet
Pakt toen neen olifant,of ne kameel of ne giraf
Ja, en oe moenk doarup kruupn te, d’rupklemn mien staf?
Awel Je lat ze knieln, je kruupt der up en kees is kloar
Ja en on ze rechte bluuvn stoan,toen stoaj gie doar
Och lat mien grust, lat mien grust zeggek potverdikke toch enee

Ik wiln mien peird, ik wiln mien peird
Dat goat niet sientnekloai, joen peird zit met schimmel up zien steirt
Ik wiln mien peird, ik kunn niet zoender peird
Beste sint, ’t go nog verslichtern ot go buutn loopn en dat is’t toch echt nie weird

Wat dat ook geestieg is, dat is ne drommedoaris
Mor allez gow zeg, mo zegt toch dat’ gin woar is
Beste sint je meugt nu toch al gow beslisn
Ik go doe n ik juuste niet, ik kun mien peird nie missn
Wel doet toen lik d’eksn en gebruukt e bustelsteert
Ah je  zoej gie wiln dat mien gat verzweert
Of gebruukt meschiens e groot vliegend tapiet
Zeg, ‘k zien mien allergie voe huisstofmijt nog mo juuste kwiet
Of belt de kestman en gebruukt zien rendier en zien slee
Euh de kestman, ik komn niet goed overeen doarmee
Beste sint azo zieme er nog lange zoete
Beste vriendn wit je wuk, ‘k gon vandejoare te voete

Ik wiln mien peird, ik wiln mien peird
Dat goat niet sientnekloai, joen peird zit met schimmel up zien steirt
Ik wiln mien peird, ik kunn niet zoender peird
Beste sint, ’t go nog verslichtern ot go buutn loopn en dat is’t toch echt nie weird