Een twee drie vier ,pientjes bier, pientjes bier
Een twee drie vier, m’adn toch zuk’n plezier
Me droenkn ze uut in ene kee
M’adn ommeki gin vulle mee
Een twee drie vier frisse pientjes bier

Twee drie viere vuve ‘k gieng nie lange, ‘k giengn nie lange
Twee drie vier vuve ‘k giengn nie lange bluuvn
Want ‘k weet heel goed hoe dat dat goat
O ’t eetn up mien te wachten stoat
Twee drie viere vuve’t zoet toen durven stuuvn

Drie viere vuve zesse uut en in uut en in
Drie viere vuve zesse zeer’ achter de messe
Den tied gienk oengemerkt voerbie
Ik keekn nor mien orloge nie
Drie vier vuve zesse ik bleef mien dust mo lesse

Viere vuve zesse zeevn  ‘k voendn damme ‘k voendn damme
Vier vuve zesse zeevn e bitje overdreevn
Mo ja ik kun nie refuseern
En  iedereen bleef mo trakteern
Vier vuve zesse zeevn ‘k begost’ol wat te zweevn

Vuve zesse zeevn achte ‘k grochtn niet weg ‘k grochtn nie weg
Vuve zesse zeevn achte, hoe dank ik ook trachtte
Trakteern om beurtn elk ene ki
Da’s e stratje zoender ende wi
Vuve zesse zeevn achte, en ‘k wist dass’up mien wachtte

Zesse zeevn achte neegn ‘k en doar toen ‘k en doar toen
Zesse zeevn achte neegn een sms gekreegn
Ze zei je krieg nog vuuf minuuten
Of je kut achter je teten fluten
Zesse zeevn achte negen ik peisde ’t zit d’erteegn

Zeven achte negen tiene, ‘k zette an ‘k zette an
Mor ik adn die bochte nie gezien
Ik zien toen in de gracht beland, 
‘k adn vele scha ol d’n ene kant
Zeven achte negen tiene , ‘k adn veel te rap wiln rien

Een twee drie vier, ’t is gedoan ’t is gedoan
In Een twee drie viere gedaon met mien plezier
Ik meugn nu nie mir up café
En de messe volgn’k up d’n tv
Een twee drie vier , gedoan me mien plezier