‘k zien content wi met de miene
me me kleene zotte triene
‘k zien content wi met de miene
‘k vien ze goed lik dasse is
want ze is nie zo mis
ook ol is ze wel gin miss
en eur moeder noemt Agnes
en eur voader Moeris

‘k zien content wi met de miene
me me kleene zotte triene
in Paries in e vitrine
enk eur d’n eerste keer oentmoet
en ik zei goedendag
en zie zei tegen mien bonjour
en me kregen de slappe lach
dat was liefde pour toujours

‘k zien content wi met de miene
me me kleene zotte triene
nins ze moe zie nie verfienen
ze mag zo roend zien lik das is
want ze wit dank ik geern 
e lekker stuk zien
dus ik gon eur noois verplichten
toet e lyposuctie

‘k zien content wi met de miene
me me kleene zotte triene
z’is mien kleene stoete kiene
mien keuninginne is ze zie
ja ik legn eur in de watten 
lik neen echten gigolo
en ik doen eur ook regelmoatieg
e weeksje beautyfarm kado

‘k zien content wi met de miene
me me kleene zotte triene
z’is zie oltied okselfris
zo gezoen lik ne vis
ja ze is zie dus min of meer
mien zeemeerminne
ik zitn gevang in de kobbenette
van mien suuuuukerspinne