Mien voader en mien moeder woaren neerstige menschen
Hele dagen werken en wroetn
Cotent me mekoar en gelukkig getrouwd
Ol was't wel e bitje van moetn

In 62 giengn ze up een avend gon eetn
Elk ne dikke pepersteak
En e heel kleen bitje loater zienk ik gemakt
In de koffer van een citroen break

Bedoomde ruten
De scheppingsdrang kuj nie dicteern
Bedoomde ruten
Ot komt moej zere parkeern

Mien vrouwe en ik dat is 't zelfde verhaal
Ook ol viel dat toch bie uus niet echt mee
Want uuznen oedsten is gemakt ol wriemeln en mooschen
Van dweesten in een mazda coupé

Bedoomde ruten
De scheppingsdrang kuj nie dicteern
Bedoomde ruten
Ot komt moej zere parkeern

Bedoomde ruten
De scheppingsdrang volt nie te negeern
Bedoomde ruten
Nooit fringn, mor ook nie forceern

Bedoomde ruten, bedoomde ruten
't is doar e noto weg en were an't juten
bedoomde ruten, bedoomde ruten
dat deurt nu zeker ol vuuf minuten
bedoomde ruten, bedoomde ruten
ik gon eki tuten
tuut tuut                 Mo gow zeg

Uuzne zeune et e heel schoon kamionetje gekocht
me gordientjes voe de praaivecy
mor uuzne zeune e nog oltiet gin meisje gezocht
l' histoire se répète nog nie

Bedoomde ruten
De scheppingsdrang kuj nie dicteern
Bedoomde ruten
Ot komt moej zere parkeern

Bedoomde ruten
De scheppingsdrang volt nie te negeern
Bedoomde ruten
Nooit fringn, mor ook nie forceern