Breur helt väöl vaan sporte, heer geit gans oet de bol.
En geit heer 's dinsdegs bowle, heet de groetste lol.
Heer deenk daan "jao iech gaon deveur", mèh steit daan weer veur sjöt.
Breur pak ziech unne bal en goejt dee in de göt.

Breur geit deveur, Breur geit deveur.
Sporte, jao, dat deit heer geer, de ganse week met väöl plezeer.
Breur geit deveur, Breur geit deveur.
Heer deit zien bes veur eederein, z'n vröwke vind dat gaar neet fijn.

Breur geit soms ouch fietse, heer trap z'n kuute zoer.
De walkmaan heet heer op de kop en huurt 't Merretkoer.
Op dee meziek, dao geit ut good, dat is toch neet normaal.
Lets fietste heer zoe raozend snel en kraog proces verbaal.

Dee Breur, dee weurt steeds gekker en heet weer gèt bedach.
Oet un vleegtuijg te goon springe met de mestreechse vlag.
Z'n vrun die zegke: "Sjijj 'ns oet en doech toch neet zoe gek".
Die stunt, die geit noets lukke, straks biks diech diene nek.